คำพูด ขึ้นบ้านใหม่ อีสาน โดย : พ่อใหญ่ บุญศรี แสนณรวค์

คำขึ้นเฮือนใหม่

ให้หมอเลาะสามรอบ เข้าไปให้แหงนเบิ่งปัดลม

หมอมอใหญ่ ...... หว่า......โอ้ปัดลม คือท้าวบุญมาแท้น้อ

ชุมไปกะหว่านำกัน หว่า................... โอ้คือ อีหลี คือท้าวบุญมาอีหลี

หมอมอใหญ่ ...... หว่า..............เหลียวเบิ่งหลังคา คือท้าวปกปองแท้น้อ  ยกขึ้นงามอ่องต่อง ส่องเบิ่งท้าวบุญมั่นขวัญยืน

นอนกลางคืนกะฝันดี นอนกางเว็นกะอยู่ดีมีแฮง  เฮือนหลังนี่ แม่นเฮือนอินทร์พรมหตกแต่ง พระยาแถน แบ่งให้มาเป็นมูล ขั่นผู้ได๋ขึ้นอยู่กะคั้มคูณ มูลมั่ง รถยนต์ กะสิอั่งเต็มถุน เข่าปลูกกะสิทูนเต็มเล้า เลียงลูกเต้ากะอยู่สุขกินเย็น เคราะห์กะสิบ่เห็น เวรสิบ่มาใกล้ มีแต่ได้กับได้ มีแต่ดีกับดีเฮือนหลังนี้เป็นเฮือนเศรษฐี มีเงินคำ 9 กะปุ่ม เฮือนอยู่ซุ่มกินเย็น                เป็นเพราะซินของเจ้า วาสนาเจ้านำส่ง เจ้าผู้โต๋โต่งโหล่ง ฝนตกลงนาซุ่ม บ้านซุ่ม เจ้าผู้ ต๋อ ต่องหล่อง ได้ทองคำอันมีค่า ไผบุญหลายจั่งค่อบพ้อ บุญน่อยแม่นบ่เห็น ซั่นแล้ววววววว

ต่อไปให้หมอนอนฝัน

                หมอกล่าวหว่า ....ขนอนหลับแล้วมีแฮงหย่าวๆ ฝันยาวๆจนหว่าตื่น ได้ยินเสียงวึ่นๆ เงินหลวงเข้า อั่งออ  ฝันหว่าได้สิบล้อ รถทัวใหญ่บริการ ฝันหว่ามีโรงงาน อยู่ข่างเฮือนซ่างฝันพ้อ ฝันหว่า ธกส เอาเงินมาให่เฮาเป็นหนี่ คนเฮาอย่ายกเลิก เอิกกะเหลิก ไก่บักโจ้น ขันยามแจ้ง ได้ตื่นมา

                บ๋าฝันเถื่อนี้ ฝันเป็นปะหลาดต่าง ฝันหว่าซ่างใหญ่เข่า มากุ้มทั้วเมือง พ่อใหญ่กะเปิดผ่ากั้ง ส่องเบิ่งเดือนดาว เห้นแต่ใสโฮงๆ ปานมณีโชว์แก้ว พายสานซ่าง ปันงาให้ข่างหนึ่ง ได้หน่อยแก้วงามล่ำค่าคำ  บ

                บ๋า ฝันเถื่อนี้กะฝันเป็นแปกปะหลาด ฝันอยู่หอปราสาทกว้าง โองใหญ่หลังสูง กับทางมีใบสี หน่วยกะดิงดังก้อง ฮองๆเหลื่อม คือพระจันทร์มื้อสิบสี่  เสามีคุณพระศรีมานั่งเบิ่ง เสาแถวเขิ่ง มีพระธรรมพระเจ้า มาเฝ้าอยู่ประจำ เสาแถวก้ำพระยาธรรมมานั่งแถน เสาแถวตะเว็นตกตะเว็นออก มีพระสงค์พระเจ้ามาเฝ่าให้อยู่เย็น นอนกลางเว็นบ่มีฮ่อน นอนสบายมีลมล่วง ปวงประชาพี่น้องมายอย่องหว่าแต่ดี ดินบ่อนนี้ มีทองคำอยู่สิบแท่งแบ่งให้ลูกผู้นั่น แบ่งหลานผู้นี้ดี แท้ ได้คู้คน เงินคำใหลมาจ่นๆ พี่เบิ่งมาเบิ่งจะแม่นดีหลาย

หมอบอกว่า ไชโยให่แหน่พี่น่อง    พี่น้องร่วมงานก็ ไชโย สามจบบบบบบ